Xau-ren Bloga

Kontzertua: 2008/10/11 Orereta

2008-10-20T03:10:00.000-07:00

Bolada batean azken kontzertua izango zena.
Berriz ere Oreretan, baina oraingoan ez herriko jaietan eta eszenatoki handian, baizik eta gaztetxean eta famili arteko giroan.
Ikasle Abertzaleak-en Ikasle Eguna ospatzen zen, eta egun osoan zehar gauza ezberdinak egon ondoren, arratsaldeko zazpiretan kontzertu garaia hasten zen. Taldeen artean gutaz aparte, Pikutara, Zoldar, Luz de Putas eta beste talderen bat.

Oreretaruntzko bidean ezbehar bat gertatu zitzaigun. Kra eta Magik etxera igo ziren momentu batean zerbaiten bila, eta kotxean etxe aurrean aparkatuta utzi zuten minutu gutxi batzuez, baina berriz jeitsi zirenean norbaitek kotxea bortxatu zuela konturatu ziren!! Zorionez lapurrek ez zuten beraien helburua lortu, baina bestalde kriston putada egin ziguten, zeren horren ondoren kotxea ezin zen ireki eta ez zeukaten, ez nola kontzertuaren tokira heldu, ezta barruan zeuden instrumentuak ateratzerik...
Zorionez, hortik denbora batera adituren bat etorri zitzaien eta gaztetxera heltzea lortu zuten. Hori bai, pixka berandu, baina tira, Gontxas, Julen eta Josebak kontzertuen ordena aldatzea lortu zuten eta horrela denak enkajatu zuen.

Oreretako gaztetxea izugarria iruditu zitzaigun, batez ere antolakuntzaren aldetik. Horrelako toki batean jotzea esperientzia oso ona da beti. Gaztetxeko jendea denbora guztian gure gainean, edozer gauzatarako laguntzeko prest... kotxeak aparkatu, eta pis-pas batean lagun kuadrilla bat atera zen eta traste guztiak deskargatu zizkiguten!

Afaltzeko orduan ez ziren ezta bat ere txarto portatu... udaletxe aberatsenek eskeini ahal dizkizuten aurrekontu baxuko otartekoen aurrean, horra hor herriko gazteen talde bat, euro gutxi batzuekin mirariak egiten... Afari super goxoa gaztetxetik gertu zegoen taberna batean, entsalada, xerra haundi bat, ... kafeak eta guzti.

Ondoren, kontzertua. Eszenatokia nahiko kuriosoa, baina aldi berean praktikoa. Gela erlatiboki txikia zelez ez zen jendearen altueratik zentimetro gutxi batzu baino altzatzen, baina horrek jendearekiko urbiltasun sentzazio bat ematen zuen.
Soinorizazioa, nahiko sinple, baina nahikoa. Agian teklatuarentzako monitoreren bat faltan botatzen zen, baina entzuleentzako ondo.

Orokorrean esan beharra dago, gozada bat dela horrelako tokietan jotzea. Edozertan lagundu nahi zaituzten jende jatorrez inguratuta.
Gainera izango duten aurrekontua kontutan izanda, ikaragarria da noraino heldu daitezkeen...
Hobe udaletxe gehienetatik euretaz pixka bat ikasiko balute.

Kontzertuak: Donostia 2008/08/16

2008-08-18T07:50:00.000-07:00

Donostiko Aste Nagusiko bigarren larunbatean. Gure "udako denboraldiaren" azken kontzertua.
Oraingo honetan ere etxean jolasten genuen, Donostiko MAD tabernan, toki txikia baina geure jendearentzat kontzertu lasaitxo bat emateko toki perfektua.

Dena oso lasai joan zen. Arratsaldeko zortziarak aldera hasi behar ginen jotzen eta gainara ez genuelez ia soinu frogarik ez ezer egin behar kontzertua baino pixkatxo bat lehenago joatearekin nahikoa izan zen. Gainera tokian bertan ohinarrizko material gehiena zegoen, ... tira, ez da Leize Gorria bezala, zeinetan nahi ezkero ez duzu ezta baketa edo puarik eraman behar (biltegian denetatik daukate... kitarrak, baxuak, kontrabaxu bat eta guzti!), baina bueno... nahikoa baino gehiago.
Heldu, deskargatu, montatu, soinu froga oso sinple bat (ahotsa eta teklatua baino ez zegoen sonorizatuta), eta tabernatik lagunak agurtzera.
Publikoaren artean, gehienak ezagunak, ekilibristak, Soraya, lankideak, lagunak, familiakoren bat... eta bestelako jarraitzaileren bat ere!
Eskertzekoa da ezertaz ezagutzen ez duzun norbait zure musika gogoko duela jakitea eta beste herri batzuetatik zure kontzertua ikustera etorri direla ikustea :) Milla esker!

20:30 aldera, lokala dagoeneko bete beteta zegoen eta hor igo ginen eszenatoki gainera.

Gustura jo genuen. Gainera uda honetan kontzertu batetik bestera ibili ondoren dagoeneko abestiak ondo baino hobeto genekizkien, beraz gozatzera dedikatu ginen.

Jendeak izugarri ondo erantzuten zuen. Jendeak abestiak abesten zituen eta benetan gurekin batera XAU ATMOSFERAREN barnean zeudela ematen zuen. "Ez duzu kontzientziarik" abestia jo genuenean jende guztia gurekin abesten hasi zen eta izugarrizko sentzazioa zen! Jendeak gure letrak dakizki!!
"Giltza abestia jo genuenean, Josebak, espontaneo bati igotzeko esan zion eta ederki moldatu zen Josebarekin batera abesten!

Uff... hemendik aurrera ez du kolatzen falloak "eske abestia horrela da" komodinarekin estaltzea! :S :$

Kontzertuko momentu hunkigarria, kontzertua bukatu ondoren eta jendeak "beste bat, beste bat" ohiukatzen hasi zenean, Joseba eszenatokira igo eta kitarra akustikoarekin "Non Zaude" abestia jo zuenean. Abesti honek suposatzen duena eta daukan karga sentimentala zela eta publikoko batek baino gehiago hunkitu egin zen eta ez da gutxiagorako.

... eta honela bukatu da gure udako trajektoria. Orain irailean, gure urtehurrena ospatzeaz gain, abesti berriren bat sortzen saiatuko gara eta agian zerbait serioa grabatzen hastea pentsatzen hasi beharko da.

Hala ere, jarraitu egizue gure Xau web-a edo Xau Myspace-a begiratzen, zeren edozein momentutan, ezuztekotan edonondik agertzen gara beste kontzerturen batekin!

Kontzertuak: Zornotza 2008/07/27

2008-08-04T03:40:00.000-07:00

Santanatxuko jaiak!! Julen-en herrian!!

Aurreko egunean Oiartzunen jo ondoren, lo pixka bat egin ondoren, hor gelditu ginen berriz ere Xau-ko kuadrilla hurrengo kontzertura abiatzeko. Igandea zelez eta Julen-en herria delez, denborarekin joatea erabaki genuen eta herritik bueltatxo bat eman, beraz, 16etan Ibaetatik atera, Zornotzara heldu eta zuzenean joan ginen kotxea gure aparkaleku "VIP"-etan aparkatzera (eszenatoki ondoan).

Ostras! Zelako aldaketa... aurreko egunean eszenatoki txikitxo batean jotzen egotetik, bapatean makroeszenatoki batera jotzera! Aurreko eguneko eszenatoki osoa, honen bateriaren tarimaren tamainukoa zen ia! Brometan esaten genuen, kontzertuan zehar bata bestearekin hitz egiteko sakeleko telefonotik deitu beharko ginela! :D

Tira, herritik bueltatxo bat ematera joan ginen. Terraza batean pixka bat jesarri, Julen-en hain bat ezagunekin aurkitu... eta geroxeago txoznagunera bueltatu soinu froga egitera.
Soinu froga pasada bat izan zen. Uda honetan egin dugun soinu frogarik paranoikoena. Ordu bat baino gehiago egon ginen soinu guztiak perfektu jartzen eta teknikariak (Soinueder) super jatorrak eta edozertan laguntzeko prest.
Antolatzaile lanetan Idaba musik-eko Iñaki zegoen, eta lan oso ona egin zuela aipatu behar da.

Soinu frogaren ondoren, afaltzera joan ginen herrira eta ondoren... 22:30! Xau ordua!!
"Luces, camara, acción!" eta hor hasi ginen Zornotzako txoznagune herraldoi hura berotzen.
Aipatu behar da, Zornotzako jaiak bukaezinak direla... aste pare bat irauten dute eta gainera jaien aurreko asteburuan ere gauzak egiten dira.
Aurten 12-an hasi ziren EXUM (Julen-en ex-taldea) eta Nuuk-at-en kontzertuekin.

Beste guztia ondo. Kontzertuan oso ondo moldatu ginen, argiak eta soinua izugarri ondo, ke makina (baina ona), ... jende erlatiboki gutxi zegoen. Baina tira... Millaka pertsona sartzen diren txoznaguna batean ehundaka pertsona egoteak, tokia hutsik dagoeneko sentzazioa ematen du. Normala da... ea nork aguantatzen dituen aste bi ta pikuko jaiak, eta azken asteburu luzearen igandean gaueko 23etan kontzertu bat ikustera joan... (jende askok hurrengo egunean lanera joan behar zuen...)

Zuzeneko bideokliptxo bat grabatzen saiatu ginen ere, baina tira... ea zerbait ateratzen den.

Kontzertuak: Iturriotz (Oiartzun) 2008/07/26

2008-08-04T02:30:00.000-07:00

Famili giroko kontzertua...

Egun mobidilloa izan zen berriz ere. Juleni lehengusina eskontzen zitzaion eta zornotzara joan behar izan zuen egunean zehar, baina libratu bezain laister, Oiartzunerako bidean jarri zen.
Gaueko 23ak aldera, Iturrioz auzoa aurkitzen saiatzean, bapatean todoterreno bat atzetik jarri zitzaion, argiak eman eta bide bazterrean gelditu ziren bi autoak. "Galduta zaude ala?" ... "Iturrioz auzoa bilatzen nabil..." ... "neure atzetik etorri, erakutsiko zaitut bidea".
Jo! ez dakigu asko Iturrioz auzoari buruz, baina behintzat jende kriston jatorra dagoela bai!

Iturrioz auzoaz ikusi izan genuenetik, nahiko txikitxoa eta famili giroa. Guztiak elkar ezagutzen duten toki horietako bat.
Jaia toki super tipiko batean zegoen, txosna txiki batzu, mahaiak, tabernatxoren bat... eta egurrez egindako eszenatoki bat!! zer gehiago behar da primeran pasatzeko?

Egurrezko eszenatoki haren gainean Uko, Korunba eta Emon taldeekin batera jotzen genuen.
Tokia erlatiboki txikia zelez, ez genuen ez soinu frogarik ez ezer egin behar izan. Gure txanda heldu zenean, zuzenean eszenatokira igo, muntatu eta jo.

Eszenatoki gainean "zuhaitzeko etxetxoan" jotzen egongo gineneko sentzazioa genuekan pixka bat :)
Gainera azpiko partea pixka bat okertuta zegoen, eta gurpildun anpliak irrist egiten zuten :D

Bertatik zebilen ZaPo-ri esker giroaren ideia bat egin zaitezkete.

Kontzertua oso ondo joan zen. Jende oso oso gutxi egon zen. Egia esan lau katu bakarrik. Eszenatoki gainetik ikusten zirenak, Josebaren lagun batzu (Nekez-eko kitarra besteak beste), Maider, soinu teknikaria,... eta gutxi gehiago.
Uko-koak eta euren lagunak ere nonbaitetik zeuden ere, baina gure kontzertuan desagertu ziren.

Hain jende gutxirentzat jotzearenak esperientzi berri bat suposatu zuen. Nolabait, entsaio baten antzera zen zeren ez genuen hanka sartzeko beldurrik (total, ikusten zeudenak, entsaiotara etor zitezkeen berak dira...), baina aldi berean, eszenatoki batek ematen zidun indarra sentitzen genuen. Konbinazio horrekin kontzertu potente eta lasai bat atera zen, kreatibitatez beteta. Burura etortzen zitzaizkigun gauzak beldurrik gabe jotzen eta musikan gustiz zartuz.

Horrelako momentutan, batzutan, jendea begira daukazula ahazten duzu.
Entsaioetan normalean abestiak zuzenekorako prestatzen dira, gauza sinple eta errazekin, arriskatu gabe. Baina horrelako egoera batean, inolako presiorik gabe, eta eszenatokiaren indarrarekin, metxa piztuta daukan zuziri bat bezala sentitzen zara, beldurrik gabe ikusten duzun edozein tarte hutsetan adornotxo txikiren bat sartzeko, edo taldekideren batekin jolasteko.
Izugarri ondo sentitzen da adibidez Magik-en teklatuaren akorderen bat baketazo siku batez ebagitzen duzunean. Txalo egiteko gogoak ematen dizute, baina ezin duzu!! jotzen jarraitu behar duzu!! :)

Aii... zelako gaua...

Eszenatoki txikitxoa, sentzazio handiak.

Kontzertuak: Orereta 2008/07/21

2008-07-24T02:50:00.000-07:00

Kontzertuak astean zehar osasunerako txarrak dira...
Astelehen goizean, Julen kriston katarrazoarekin esnatu zen, sukarrarekin eta guzti. Eskerrak arratsalde parterako sukarra jeitsi zela eta kontzertua emateko gai izango zela!

Lokalera joan trasteak hartzera eta, oO! EZ!! lokala itxita! :S ... odisea instrumentuak lortzeko... Tira, askenean dena kargatuta.

Behin Oreretan, txoznagunera heldu ginen eta egoera aztertzen hasi ginen. Lehenengoak baino ez zeukaten soinu froga, beraz trasteak eszenatokian utzi eta bateria atzeko partean montatu genuen,
Gurekin eszenatokia konpartitzen: Mr. Fylyn, Zeren Zai eta Lady Banana (guk hirugarrenak, goizeko ordu batak aldera).

Afaria, bateria ondoan botata zeuden ogi barra batzuekin egindako bokadillo batzuk omen ziren eta ... oreretako jatetxe batera joan ginen gure kabuz afaltzera. Menua gaztelera hutsez idatzita zegoen...

Afaldu ondoren, eszenatokira hurbildu ginen, Julenek termalgin bat hartu zuen sukarra pixka jeisteko eta hor igon ginen eszenatokira dena emateko prest.

XAU-ren 10. KONTZERTUA!! Zorionak XAU!

Argi politak, batez ere alde batean bueltak ematen zituena, eszenatokia ondo... ekipoa Usurbileko azken kontzertuan (Despervicio eta Kaotikorekin) erabilitako berdina baina pixkatxo bat potentzi gutxiago, tira... nahiko ondo.

Oraingoan ere Juleni ke makinarekin atufatu zioten... momentu batzuetan ez zituen bateriako parteak ikusten!! :D

Azkenean dena ondo. Gauzak batu eta etxera laister. Hurrengo egunean lana geneukan :S

Oraindik aste honetan beste bi kontzertu handi gelditzen zaizkigu, Oiartzunen eta Zornotzan.

Take it easy!

Kontzertuak: Donostia 2008/07/17

2008-07-22T06:56:00.000-07:00

Donostiko alde zaharreko Karmeneko jaietan.
Oroitzapenak dakarkizkio Juleni, zeren izatez Zornotzakoa izanda, Karmengo jaiak "herriko jaiak" suposatzen diote. Baina oraingo honetan Karmenak bai, baina ez Zornotzan, baizik eta Donostian jotzen genuen, Donostiko portuan. (Hala ere, Xau Atmosfera zornotzara helduko da ere hemendik aste batera ;) )

Gozada bat izan zen etxean bertan jotzea. Julenek bizikletan joan zen soinu frogara, ea zenbatek egin dezaketen hori! Teknikariak super jatorrak eta edozen momentutan edozertarako laguntzeko prest. Trasteak igotzen lagundu ziguten eta guzti!
Bertan Hesian-eko taldekide jatorrak aurkitu genituen eta ekipoari buruz hitz egin ondoren, montatzeari ekin genion.
Eszenatokia ondo zegoen, baina pixkatxo bat txikia eta batez ere bajutxoa. Argiak eta soinua toki horretarako nahiko egokiak.
Soinu froga txikia eta Donostiko alde zaharreko txoko batera afaltzera. Entsalada eta marmitako goxoa Hesian eta Deskontrol-eko kideekin eta hor joan ginen tripa beteta eszenatoki gainera.

Entzulegoaren artean espero genezakeen bezala, ezagun pilloa. Inokondizionalak, lankideak, senitartekoren bat, ezagun pilloa... denetatik pixka bat. Nabarmena izan zen Dr. Silanes eta Dr. Bocan-en fisikarien presentzia fisikoa.

Kontzertua nahiko ondo joan zen. Denok nahiko gustora gelditu ginen. Hala ere, berriz ere ke makinaren asuntua!! seguru infernua ke makinez beteta dagoela!!
tira... eskerrak haize pixka bat zegoela eta nolabait kea laister kentzen zuela...

Kontzertu honetan, abestirik garrantzitsuena "Izan pirata" izan zen dudarik gabe. Donostin jotzen genuen, eta Donostiko jai herrikoien aldeko abestiak esan nahi berezi bat hartzen zuen, batez ere portukoak bezain jai herrikoi batzuetan jotzen ari ginela.

Donostiko Aste nagusiko Mac-Hamburgesa plastifikatu guztiek ez daukate inolako zerikusirik portu horretako jaietan daztatu dezakezun sardina batekin!

Oso harro sentitzen gara Donostin egon daitekeen giro hoberenetariko batean jotzeko aukera izan dugulako.

Kontzertuak: Usurbil 2008/07/04

2008-07-11T16:11:00.000-07:00

Kontzertu oso potentea!!
Eszenatoki izugarri ona, soinu ona, argi efektu ikusgarriak... tira, agian fallatu zuen gauza gutxienetariko bat tokia ez zegoela nahikoa beteta...
Usurbilgo frontoian jo genuen, Usurbilgo jaien egitarauaren barruan, Kaotiko eta gure lagunak diren despervicio punk taldeekin batera.
Heldu bezain laister konturatu ginen eszenatoki hurak prometitzen zuela... Argi mugikorrak (errobotak), bozgorailu estetikoak eta izugarri pilloa, ke makina, eszenatokirako soinu teknikari dedikatua, argi teknikariak, bateriarentzako tarima higikorra...
Eszenatokia frontoiaren aurreko paretaren kontra montatuta zegoen eta atzekaldera (eszenatokiaren aurrean) izugarrizko toki haundia gelditzen zen. Pixka bat jende gutxiren sentsazioa ematen zuen, zeren millaka pertsona sartzen ziren toki batean hirureun bat baino ez ziren egongo benetan kontzertua ikusten... (klaro... eske bertan ez zegoen txoznarik ez ezer...).
Ke makina bat jartzen ziguten lehenengo aldia zen eta Juleni ilusioa egiten zion... baina tira, azkenean kearen asuntua bere aurka bueltatu zen eta kontzertuan zehar momentu askotan ez zuen ezer ere ikusten! (ke makina juxtu bateriaren atzean zegoen berarengana apuntatzen zuen bentilagailu batekin).

Argazkian ikus dezakegunez, Julen kearen artean galduta dago :)

Gure ondoren Kaotiko jo zuten, eta aldaketa izugarri erosoa izan zen. Tarima higikor horiekin, Julen-en bateria teloiaren atzera mugitu eta Kaotikorena atera genituen eta listo, eszenatokia hurrengo kontzerturako prest!

Berriz ere, kontzertuko elementu berriak (efektuak, eszenatokia, ...) zirela eta, esperientzia oso polita izan zen.
Oraingo honetan nahiko altu utzi dugu record-a, 24.000 Wattio soinu. Oraindik asko falta zaigu Manowar-en 170 dezibelioak gainditzeko (zarata maila hori Boeing 747 kargatu batek aireratzean ateratzen duen soinuaren baliokidea da).

Hurrengo kontzertua Uztailak 17 Donostiko Trinitate plazan! :D

Kontzertuak: Pasai San Pedro 2008/06/28

2008-06-30T06:59:00.000-07:00

Zelako kontzertu polita!
Pasai San Pedroko jaietan, itsasoaren ondoan, txozna gunean...
19ak aldera agertu ginen eszenatokitik, eta han aurkitu genuen gure lagun Iñigo soinu teknikaria. Oraingo honetan Itziarren jarri zizkigun 4000 Wattioak bikoiztuko zizkigun... 8000 Wattio soinu + 2000 Wattio monitoreak, San Pedro osoa dardarka jartzeko bezain beste! Gainera argiak ere nahiko politak...
Oraingoan "The rasmiguel rastafaris" (edo horrela zerbait) izeneko reggae talderekin joten genuen, lasaitxoak.
Eurek jotzen zuten lehenengo, beraz, gure bateria montatu genuen (eurei utziko genien), anpliak jarri eta soinua frogatu zuten. Jada, hasieratik akustika ona ikusten zen toki hartan (itsasoak eko guztiak kentzen zituen).

Tira... afaria goxoa teknikariekin eta beste taldearekin eszenatoki ondoko taberna batetan, eta segidan lehenego kontzertua.
Hasiera batean ez zegoen jende gehiegirik, baina gero, pixkanaka pixkanaka asuntua betetzen hasi zen.
Magik eta Kra eskontza batetik heldu berriak zeuden, eta Julen juxtu kongresuko aste baten ondoren Italiatik itzuli berria zegoen. Pixka bat deszentratuta, eszenatokira igotzeko eta momentuko feeling-a sentitzeko irrikitan.

Gure momentua heldu zen. Julen baterian jesarri zen, eta neke, urduritasun eta tentsio guztiak baketazo pare batez gustiz desagertarazi zituen. Dagoeneko dena ahaztuta zegoen, dagoeneko XAU ATMOSFERAN murgil murgilduta geunden eta jada denak berdin zuen, rollo ona, feeling-a, energia positiboak(*), eta ondo pasatzera!!
(*) ...tira energiak beti dira positiboak... baina ondo gelditzen da esatea.

Hor aritu ginen jo ta ke jendea Xau atmosferan flotaarazi arte... baita lortu ere! eszenatoki gainetik jendea dantzatzen eta gure estribilloak abesten ikusten zen eta horrek izugarri motibatzen zuen. Milla esker guztioi!!

Jo genituen abetien artean, "Ez duzu kontzientziarik" abestia jartzea erabaki dugu, jendeak gehien ezagutzen duena delako eta oraindik honen bideorik ez genuekalako.

(Bideoa Maiderrek eskainia dago, milla esker!)

Notatu egizue soinuaren ezberdintasuna estudioan grabatutako demoarekin. XAU ATMOSFERA bizirik dago, eta abestiak eboluzio konstantepean daude ;)

Hurrengo astean Usurbilen 16000 Wattio soinu!! honen bikoitza!! pausu honetan jarraitu ezkero laister atmosferaz gain, lurrikara bat sortuko dugu ere :P

Kontzertuak: Aretxabaleta 2008/05/30

2008-06-06T05:04:00.000-07:00

Maitzeko azken ostiralean Aretxabaletara abiatu ginen, orain arte hurrutien jo dugun kontzertua emateko.
Xau-ren baliabideen bildumak, geroz ta bolumen handiago hartzen hasten delez, furgoneta bat alokatu behar izan genuen trasteak eramateko eta aitortu behar da nahiko erosoa izan zela gure kotxe txikitxoetan traste guztiekin tetris-era jolastu behar ez izatea.
Kontzertua Haizea tabernan zen. Taberna honetan asteburuetan kontzertuak antolatzen dituzte eta bertan eszenatoki (pixka bat estua) eta ekipoa dago.
Tabernan deskargatzen geundela, kartel haundi baten ondotik pasatu ginen, eta halako batean norbaitek zerbait esan zuen kartelari buruz... eta fijatu ginenean... ei!! geu gera!! :D Lehen aldia zen Xau-ren izena kartel hain handi batean agertzen zela...

Kontzertua jo genuen.

Gehiago barik...

Kontzertu honen ondoren, hemendik aurrera, kontzertuek sortzen dizkiguten gastu zuzenetarako atera behar dugula erabaki genuen.

Kontzertuak: 2008/04/26

2008-06-05T03:14:00.000-07:00

Apirilak 26-an Zarautz aldera joan ginen, bertako "Putzuzulo" gaztetxean jotzera.
Bertara heldu ginenean berehala Tantras eta Klakson rock taldekoekin aurkitu ginen eta martxan jarri ginen.
Tokia oso ondo zegoen... kontzerturako aretoa nahiko handia zen eta eszenatokia ere nahiko erosoa. Hala ere Julen-ek eta beste taldeetako bateriajoleek bateriarentzako tarima bat montatzea erabaki zuten. Traste guztiak jarri eta soinua frogatu ondoren bertan jotzeko eszenatoki aproposa gelditu zen, ez handiegia ez txikiegia.

Gainera, zorionez hiru taldeetan konfigurazio sonoro beretxua genueukan... kitarrak, teklatua bateria... beraz alde horretatik erosoagoa zen gauzak antolatzea.

Konfigurazio horren barruan, Aizpearen anpli berria sartzen zen :) Anpeg pantaila eta Hartke buruarekin... izugarri ondo eta potente sonatzen zuen!!
Beste elementu berri bat Unairen eszenako pianoa izan zen. Honek ere asko aportatu zion taldearen soinuari eta sentzazio berrien mundu bat ireki zuen.
(Argazkian Kra aulkian jesarrita Tantras-en froga ikusten)

Instalazioa burutu ondoren, musikari eta teknikariak, gaztetxekoek antolatutako afarira igo ginen eta bertan egon ginen lasai lasai ordua heldu zitzaigunerarte.
Hamaikak aldera edo, Xau-kooi tokatzen zitzaigun. Mentalizatu, urduritasuna atera, eta "Let's go!!"
Eszenatokian sentzazio arraro xamarra zegoen. Gu ondo ikusten ginen baina eszenatokiaren ertzetik haruntza ez zen EZER ere ikusten. Ematen zuen hutsaren aurrean jotzen ari ginela! ... eta gainera kriston barulloa sortzen ari ginelez ez genuen ezta ere ezer entzuten...
Noizean behin mugikorreko pantailaren bat edo metxeroren bat iluntasun hartan mugitzean toki hartan benetan jendea zegola konproba genezakeen :)

Bestalde, Julen-ek zergatik bateriajoleek askotan kamiseta gabe eta bentilagailuekin bukatzen duten ulertu zuen... Bero nahiko egiten zuen tokian, hare gehiago tarima huraren gainean.

Soinu aldetik kontzertua nahiko ondo joan zen... monitoreak, ekipo potentea... gustura sentitzeko bezala... seguruenik horrek bere influentzia izan zuen kontzertua nahiko klabatuta ateratzeko.

Kontzertua bukatzean, eszenatokitik jeitsi ginenean, bertan benetan jendea zegoela konprobatu genuen (eta asko gainera...) eta jarraian Tantras-i pasatu genion lekukoa.

Kontzertuak: Usurbil 2008/04/12

2008-06-04T05:51:00.000-07:00

Aurreko gauean Anoetan jo ondoren, larunbat goiza iritsi zen eta nahiz ta neka neka eginda egon, hor joan ginen kalloa ematera gure hurrengoko kontzertura.

12-ak aldera edo, heldu ginen Usurbilera eta zerbait hartu ondoren eszenatokiaren bila hasi ginen.
Gure sorpresa, eszenatokia non "zegoen" jakin genuenean izan zen, edo hobe esanda... non ez zegoen!! ... izatez udaletxearen aurrean jo behar genuen, baina bertan ez zegoen ezer, edo bai... justu eskontza bat zegoen, eta han zeuden ezkongaiak eta gonbidatuak arroza botatzen...

Tira... pixka bat geroago, asuntua despejatu zenean, trasteak atera genituen eta dena montatu genuen Udaletxeko eskaileren gainean.
Kuriosoa iruditu zitzaigun... hasieran, kale gorrian jo behar genueneko sentsazioa geneukan, baina dena montatu genuenean dagoneko tokiak eszenatokiaren feeling-a ematen hasi zen.

Oraingo honetan, eszenatokia nolabait oso handia ematen zuen eta toki piiillo bat genuekan. Hasieran, soinu ekipoa flojoegia zela pentsatu genuen, baina behin jotzen hasita soinuaren kalitatea nahiko ona izan zen.

Gurekin batera berriz ere Despervicio eta beste talde bat egon ziren.
Jende aldetik nahiko ondo. Kontzertua, Usurbileko antzerki topaketaren ekintzen barruan anolatuta zegoen, eguerdia aldera, antzerki eta antzerki artean, beraz jende asko bazkaltzen egongo zen, baina hala ere han egon ziren, besteak beste, gure taldeen jarraitzaile inkondizionalak eta bertatik pasatzen ziren beste hain bat gazte eta ez hain gazte.

Arratsalde horretan, kontzertu horren ondoren, teorikoki Donostiko Atabal tabernan jo behar genuen, baina tabernako asuntuak zirela eta kontzertua bertan behera gelditu zen, gure donostiko jarraitzaileentzako penarako ... baina gure gorputz hipermusikalizatuen mesederako :)

Kontzertu hau, aurrekontu oso txikiarekin giro majoa sortu daitekeeneko froga garbia izan zen.

Kontzertuak: Anoeta 2008/04/11

2008-06-04T03:24:00.000-07:00

Apirilak hamaikan, Anoeta aldera jo genuen. Hasieran beti bezala pixkat galduta ibili arren, azkenean Anoetako gaztetxea aurkitu genuen. Sekulako tokia!! Kontzertua emateko perfektua, eszenatoki nahiko ona eta soinu eta soinu teknikari paregabeak!
Antolakuntza aldetik ere izugarri ondo portatu ziren. Denbora guztian gure gainean egon ziren, soinuarekin mirariak egin zituzten dena ondo sonatu zitzaigunerarte... Aimar eta besteak gaztetxoak izan arren izugarrizko potentziala daukate. Ea nork aurkitzen zituen adin horretako soinu teknikariak horren besteko kalloarekin.

... afari goxoa ere...
Argazkian Anoetako Gaztetxekoekin eta gurekin batera jo zuten Garabi taldekoekin afaltzen agertzen gara.

Garabikoek ia eszenatokian sartzen ez zen pantaia biko izugarrizko baxuzko anpli pepino bat utzi behar ziguten, baina azkenean elektronikaren misterioak direla eta ezin izan genuen funtzionarazi egin.

Gure kontzertua nahiko ondo joan zen. Hala ere Julen-ek katarroa zeukan eta ez zen nahi bezain ondo pasatu.
Ondoren Garabiren kontzertua etorri zen. Hauek bai ondo moldatu zirela... eta bertan egon ginen euren kontzertu bukaerararte.

Zoritzarrez ez zen jende gehiegirik gerturatu... Anoeta herri txikitxoa da, eguraldi txarra zegoen eta hurrengo egunean goizean mendi martxaren bat edo zerbait zegoen eta guztiak deskantsatzera joan omen ziren. Baina tira, hala ere jende nahiko egon zen, eta gainera egon zirenak izugarri animatuta egon ziren, denbora guztian dantzatzen eta behar bezala erantzuten.

Azkenean, sorpresa bat jazo genuen. Kontzertuetan askotan gertatu da, toki batera jotzera joatea, diru kopuru bat adostea eta azkenean taldeak ezer ez jazotzea... baina kasu honetan, diru asuntuetaz ezer hitz egin ez arren, eta sarrera ez kobratzea erabaki arren, kontzertu bukaeran gaztetxekoek kontzertuak suposatu zizkigun gastuak kubritzeko ordaindu ziguten!!

Milla esker Anoetako Gaztetxea!! ... zenbat erakunde haundik ikasi beharko lukete zuengandik...

Kontzertuak: Itziar 2008/03/01

2008-06-04T02:51:00.000-07:00

2008-ko Martxoaren lehenengoan gure bigarren kontzertua eskeini genuen. Kasu honetan Itziarren izan zen, bertako urteroko gazte eguneko ekintzen barruan.
Kontzertu hau erronka handi bat suposatu zuen guretzat, zeren Xau-ren lehenengo eszenatoki handiko kontzertua zen eta horrek gauza berri asko zekartzan...

... Jende gehiago, entzulego berria, metro karratu asko, soinu irteera potentea, monitoreak... Julen-ek kuriositatea zeukan bateria sonorizatu bat sentitzearren eta soinu froga ondoren oso gustura gelditu zen.
Hala ere, ez zen Julen izan bere bateria berriaren potentzial akustikoaz harritu zen bakarra, eta soinu frogaren bukaeran txaloak jazo zituen eta guzti!

Itziar txikitxoa ematen zuen, baina egun hartan jende nahiko zegoen eta azkenean giro polita sortu zen. Gainera, oraindik ezagutzen ez dugun arrazoiren batengatik, jendea pirataz mozorrotuta zegoen eta horrek aukera bikaina eman zigun gure Donostiko jai herrikoien aldeko "Izan Pirata" abestia aurkezteko :)
(norbaitek baldin badaki zergatik denak piratez mozorrotuta zeuden, idatz dezala komentarioren bat azpian).

Gurekin batera "Despervicio" eta "Rasta sin pasta" punk taldeak ere egon ziren, gure kontzertu "lasaitxoaren" ondoren giroa berotzeko.

Gure youtube eta euskaltubeko txokoetan kontzertu honetako bideo pare bat daude. Hemen bat jartzen dizuegu.

Kontzertuak: Leize Gorria 2008/01/26

2008-06-03T01:20:00.000-07:00

Gure blogari aktibitate pixka bat gehiago ematearren pentsatu dugu gure kontzertuen txosten txikiak egingo dizkizuegula, eta hemen doa lehen txostena, 2008-ko urtarrilean Donostiko Leize Gorria tabernan eman genuena.
Kontzertu hau gure lehen kontzertua izan zen Xau bezala eta ondorioz pixka bat urduri egon ginen denok.
Tokia oso ondo dago, Donostiko bihotzean kontxatik metro gutxitara. Taberna, goikaldean txikia eta xumea ematen du, baina benetako giroa azpiko pisuan iskutatuta dago, izan ere taberna honetako musika ekintzak gehien bat azpiko pisuan egiten dira. Gure kontzertua larunbat batean izan zen baina astean zehar, ia egunero jam session irekiak eta kontzertuak antolatzen dituzte.
Teknika aldetik oso ondo egon zen. Tabernan bertan behar den guztia daukate dagoeneko, beraz eskuak poltsikoetan eramanda joan zaitezke kontzertua ematera. Ahots ekipo nahiko dexentea, mikroak, kitarra eta baxurako anpliak, bateria, ... eta eskatu ezkero, behar izan dezakezun beste edozer ere aurkitu daiteke... kitarra ezberdinak, baxuak, teklatuak, kontrabaxu bat (bai bai.. kontrabaxu bat ere...) ...
Hala ere, gure kasuan, gure gauza "intimoenak" eraman gehituen: kitarrak, baxua, josebaren kitarraren anplia, Gontxasen efektuen pedalera, teklatua eta bateriarako kaja, platoak eta bonboko pedala.
Tabernakoak nahiko adituak dira musika kontuetan eta asko lagundu ziguten dena jartzen eta aholkuak ematen.

Kontzertua nahiko ondo atara zen gure lehen kontzertua zela kontutan hartuta. Jende kopurua egokia zen, ez gehiegi ez gutxiegi (guztira 50 bat?), giro aproposa sortzeko bezalakoa.
Jendeak nahiko erantzun zuen eta giro nahiko sortzea lortu genuen. Egia da ere, horietako askok gure ezagunak zirela, baina hala ere beste hainbatek ez zuen inolako erlaziorik taldeko inorekin.
Giro horren lekukoetako bat, gure lagun Soraya izan zen, momentua hurrengo argazkiaren bidez plasmatu zuena.

Kontzertu dexentea, etxean bertan, etxeko jendearekin...

Musika Askea (Creative Commons)

2008-04-18T07:36:00.000-07:00

Edozein artistaren bizitzan momentu bat heltzen da zeinetan egindako lanaren zabalketaren inguruko hausnarketa bat egin behar den.
Artista gehienek kapitalismoak inposaturiko "Copyright" (®) izeneko lizentziara jotzen dute. Copyright-a edo "®"-a, egile bati bere eginkizunaren gaineko eskubide guztiak ematen dizkio eta ondorioz kontsumitzaileak ez du produktuarekin ia ezer egiteko askatasunik. Copyright lizentzia, teorikoki, egileen eskubideak bermatzearen alde egin zen.

Orain suposa dezagun "artistak" garela, edo gure kasuan bezala, zehazki musikariak, eta gure musika, bihotzetik ateratzen zaigun zerbait dela eta ondorioz, ahalik eta jende gehienarekin konpartitzeko nahia dugula. Ondorioz gure diska (maketa, demoa, edo dena delakoa) jendari pasatuz, interneten jarriz... difunditzen dugula, jende guztiak entzun dezan eta geure musikarekin nahi dutena egin dezaten.
Honarte dena ondo.

Orain suposa dezagun lotsagaberen bat datorrela eta bapatean gure diska jeitsi eta berak egin duela esaten hasten dela, eta hare gehiago, gure diska Copyright-aren lizentziapean argitaratzen duela eta azkenean guk grabatu dugun diskarengatik kobratu nahi gaituela.
Izugarrizko bidegabekeria, ezta?

Beno, ba kasu hori eta beste batzuk saihesteko, Creative Commons (CC) lizentzia dago, zeinaren arabera musika inolako mugarik gabe eta nahi den bezala difunditu daitekeen, baina aldi berean egilearen funtzezko eskubideak ziurtatzen diren, hau da, adibidez egunen baten ez gaitzatela kobratu guk sortu dugun abesti bat jotzeagatik edo entzuteagatik.

Creative Commons lizentzia ezberdinak daude, baina Xau-n estandarrenetako bat aukeratu dugu, zeinaren arabera:
Nahi bezain beste entzun, kopiatu, iragarri dezakezu, baina bakarrik ondorengo hiru baldintza sentzudunak errespetatuz:

Aipamena: hau da, gure abestiak erabiltzen badituzue, tokiren batean (nahiz ta letra txikitxoetan) abesti originala Xau-rena dela haipatu behar da.
Erabilpen ez komertziala: hau da, inor ezin da forratu gure lanarekin
Redistribuzioa CC-pean: hau da, beste talderen batek gure abestiren bat bertsionatzen badu, Creative Commons lizentziapean argitaratu beharko du ere (edo gutxienez ez Copyright bezala).

Ba tira... hiru balditzatxo horiek errespetatuz edonork disfrutatu dezake musika libreaz inolako arazorik gabe, eta diska bat gustatzen bazaizu, ba kopiatu egiezu zure lagunei, edo pasatu egiezu "emule"-z edo dena delakoa.

Emule-ren bidez gure diska jeisten ari bazarete eta norbaitek hori artistei lapurtzea dela esaten badizue, esaiozue Xau-koek baimena eman diduetela eta arazorik baldin badute gurekin kontaktatu dezatela ;)

Eta norbaitek SGAE-ren "Canon Digital"-ari buruz hitz egiten duenean, egin ez duzun delitu batengatik zigortzen ari zaituztela esan ahalko duzu lasai lasai.

Musika librearen munduan pixka bat gehiago murgildu nahi ezkero, badago interneteko txoko bat zeinetan millaka abesti libre jeitsi daitezkeen, toki honek Jamendo izena du, eta bertan mundu guztiko eta estilo guztietako taldeak aurkitzeaz gain, egunero euskal talde gehiago eta gehiago sartzen ari dira ere, adibidez: Xau (gure taldea ;) ), SKT, Garabi, Nun ... eta beste asko.

Badago ere euskal txoko bat musika askearekin konpromezua duena www.mundurat.net helbidean.
Gure web-a ostalari horretan daukagu :) ...

Mamarratxa Sorgina

2008-04-01T02:21:00.000-07:00

Kaixo guztioi!
Beno... hau aspaldiko kontua da, baina Xau-kook ere Donostiko musikarion egoera salatu nahi dugu.
Duela gutxirarte, gure egiako lokala beste talde batzuekin konpartitzen dugula eta, ezin genuen nahi genituen asteko egun guztietan entsaiatzera joan, eta irtenbide bat bilatzen hasi ginen. Azkenean, irtenbiderik egokiena (eta ia bakarra), Egiako musika eskolara joatea izan zen eta garai batez bertan entsaiatu izan genuen astelehenetan eta batzutan asteko besten egunen batetan ere. Hala ere, denbora gutxira, berriz ere, trabak aurkitu genituen bertako lehiatilan egoten den emakumearen partetik, beno, izatez bi dira, baina uste dugu emakume (sorgin) bera dela, kareta batekin, eta guk Mamarratxa deitzen diogu, MAMARRATXA SORGINA.

Izan ere, gure sorgin agurgarriak, joaten ginen egun bakoitzean arau berriak "asmatzen" zituen eta momentu batean ezin izan genuen egoera hura gehiago jasan. Bere azken asmakizunenetako bat, ordutegiarena izan zen, zeinaren arabera, gure sorgin zoragarriari oraintzeko dirutza ematen diguten lanpostuak utzi beharko genituzke entsaiatu ahal izateko. Zeinen buruan sartzen da, musika talde batek gozeiko 11etan edo arratsaldeko 16etan entsaiatzera joatea? non/noiz egin beharko genuke lan berari ordaintzeko? Egiako tunelean? politikarien ordutegia?
Zer uste dute Mamarratxak, musika eskolakoek eta Donostiko udaletxekoek? musika jotzea, super aberantzen eta umeen eskubidea baino ez dela?

Gure taldean musika eskola horretan musikazko karrerak atera ditzutenak ditugu, eta horren arabera norbaitek esan lezake "begira! Donostiko udaletxeak kulturarengatik apustua egiten du!"... baina zelako apostua...
...zein da herri bateko benetako kultura egiten duena? etorkizun batean zerbait egiteko posibilitatea izateko esperantzarekin ikasten duenak ala juxtu momentu honetan benetan produzitzen ari dena?

Mamarratxa eta kulturako gainontzekoentzako mezua: Donostia ez da bakarrik entxufatutako super aberatsentzako. Zuek musikariei bizkarra ematen badiezue, ez harritu egunen baten beste "La Oreja de Van Gogh" bezalako talderen bat ateratzen bada eta bizkarra ematen badizue. Edozein gaztetxeko dozena erdi gaztek zuek baino kudeaketa hobeagoa egiten dute, zuek boligrafoetarako daukazuen aurrekontuarekin.

Beno, eta Mamarratxa gure sorgin faboritua delez, nola ez, abesti dibertigarri bat egin diogu. Dagoeneko zuzenean jotzen ari gara eta espero dugu laister grabatzea eta zuokin guztiokin dohain konpartitzea (baita Mamarratxa eta kulturakoekin ere, zeren Xau, Donostiko kultura ez bezala, guztiontzat da).

Xau

Gure Blog-a estreinatzen...

2008-03-25T08:03:00.000-07:00

Kaixo guztioi!
Ba tira... "Xau Atmosfera" Xau-ren kontzertuetan (eta entsaio batzuetan) baino ezin daitekeelez sentitu, zuen zentzuetara ahalik eta estimulo gehien heldu araztearren, hemen dago XAU-ren BLOGA!!
Suposatzen dugula benetako Blogger-ak bezain beste posteatuko, baina tira... berriak eta horrela badauzkagu, ba asuntu honetan idaztea askoz erosoagoa da web horrian edo myspace-an baino.
Beno... ba hori.
Laister arte!!